الهاكر كان مكتشف الثغره من فتره و وضع الكود على موقع بالانترنت و في اليوم الثاني من المسابقه ارسل رابط الموقع المحتوي على الكود بالايميل للجهاز و ضغط عليه المستخدم
طبعا هذا تصريح الهاكر و هو باحث في امن المعلومات و ماك يوزر و استغرق اكتشاف الثغره و كتابة الكود اسبوع
It took us a couple of days to find something, then the rest of the week to work up an exploit and test it.
Mac easiest to hack, says $10,000 winner
انا ما اقول الكلام هذا عشان ادافع عن الماك .. لانه قوي و ما يحتاج احد يدافع عنه .. الثغره ثغره و تحتاج تتقفل سواء اكتشفت اليوم او قبل سنه .. لكن تصريح الهاكر يضع الكثير من علامات الاستفهام على المسابقه و هذي المسابقه لا تعتبر مقياس دقيق
الهدف من السمابقه هو اكتشاف ثغرات جديده و تنبيه منتجين الانظمة لها .. و ليس لمعرفة النظام الاقوى و الاضعف او الاسرع في الاختراق
ابل لها سنتين من نجاح الى نجاح و ارباحها تنمو بشكل سنوي ثلاث اضعاف نمو السوق و كل منتج تطرحه ينجح و اخرها الماك بوك اير اللي نفذ من المتاجر في امريكا .. و طبعا مع هذا النجاح لازم يكون فيه متسلقين مثل هذا الهاكر اللي يقول الماك هو الاسهل في الاختراق و يناقض نفسه في التصريح و يقول انه حضر لهذه الثغره و استغرق اسبوع .. لو كان اختياره للماك لانه الاسهل ليش حضر للمسابقه و جهز الكود و الثغره قبل المسابقه بالاضافه الى انه ماك يوزر يعني مافي تسلق اكثر من هذا
لو قال لينكس او ويندوز الاسهل ما احد راح يتهم لكن لما يقول الماك الاسهل راح تنفتح له ابواب الشهره لان ابل هي ماسة التقنيه و حديث الشارع التقني