سؤال واحد ...! ليش ماكنتوش
دخلت انا موقع امازون ابغى اشتري لاب توب ... فطبعاً اول شي دخلت على افضل المبيعات ... فجأة لقيت افضل مبيعاً هو لاب توب من نوع ابل ماك بوك ... بعدها حاولت اقتصر على نوع نظام الويندوز ... بس حاسس نفسي مني مقتنع ... ليش ماكنتوش هو افضل شي ... اشبهم دول الناس ... المهم بعدها قريت عنكم في جوجل ... قلت خليني اشوف الفرق بين وندوز وماك والفكرة الي اعرفها انا عن ماك انو خاص بالجرافيكس ... شوية لمن قريت اكتر عن نظام ماكنتوش .... ماعرفت شي عن نظام ماكنتوش ...
بس الي عرفتو هو الناس الي يستخدموا نظام ماكنتوش ....
المهم الي عرفتوا عنكم .. انكم مو بس تستخدموا وتفضلوا نظام ماكنتوش ... انكم كمان تحبوا ومخلصين لنظام ماكنتوش .. بس انا لا
طيب قلت خليني ادخل على منتدى اشوف اكتر .. المهم جيت المنتدى دا ولمن جيت اسجل في المنتدى ...
من جد انتبهت لحاجة .. انو ما طلب مني اروح لايميلي واكد التسجيل والكلام دا ... حسيت نفسي اني مرحب لاول مرة في منتدى.. ولاول مرة ادخل معلوماتي صح والباسوورد مو من 1 لـ 6 في تسجيلي للمنتدى
المهم الكلام دا كلو سار دحين اليوم دوبو ... فقلت لنفسي .. فكرت مع نفسي يعني .. ترا انا حبيت نظام ماكنتوش مو من النظام انا لسه ما اعرف نظام ماكنتوش عمري ما شفتوا حتى .. اعرف انو في شي اسمو ماكنتوش بس ماقد شفتو ... واليوم ودحين حسيت نفسي اني احب ماكنتوش واحب شركة ابل واحلف بالله انو السبب انتو .. مستخدمين الماكنتوش
ههههههه وكمان دوبي غلط وسويت خلف في الصفحة الي قاعد اكتب فيها موضوعي .... فقلت يالله الكلام كلو راح .. وربي كان من الضمير ... فجاًة سويت للأمام وموضوعي طلع زي ما هو .... علامة جيدة
انا كنت حسألكم ( اعطوني عشرة اسباب عشان اتحول من ويندوز لماكنتوش ) بس بعد العلامة الجيدة الي دوبها سارت .. وانتو كمان ( مستخدمين الماكنتوش ) ... انا حاستخدم نظام ماكنتوش في اقرب وقت ... يعني ممكن بعد ساعة من دحين ..
واول سؤال عندي هل حيشتغل في نفس الجهاز الي دحين انا شغال في بويندوز اكس بي .
ايوة ولا لا . بس حيشتغل عندي ولا لا....
عندي انا ملايين الأسئلة بس ما يهم حغامر حيشتغل ايوة ولا لا
شكراً لكل مستخدم نظام ماكنتوش ........
2. هل ماكنتوش هو نفسو لينيكس ولا دا شي تاني ؟
التعديل الأخير تم بواسطة : Dr_997 بتاريخ 04-28-2008 الساعة 09:21 AM.
|