ياااالله حيهم اقلطو

[Chloe]

<div align="center">بسم الله الرحمن الرحيم

السلام عليكم ورحمة الله وبركاته .. اما بعد <<--- تحسوني القي خطبه صح
طيب كيف الحال انشالله مبسوطين في الاجازه اللي بتخلص ؟؟
انا دائما معودتكم على اسئلتي البايخه والاخبار اللي مالها داعي <<--- من كثر ذالاخبار عاد
بس اليوم غير <<--- اقول يازينك ساكته
انا اليوم جايه اسولف معكم .. طبعا ممكن البعض يقول وشذا البياخه والفضاوه .. بس ماعلي منهم
ايه صح نسيت .. على البركه فتحتو المنتدى والله هذي ثاني مره احس بغلاوه المنتدى عندي .. يعني له فقده
باختصار
المهم نبي اول شي نناقش احوال منتدانا الغالي

ثالثاً :
نبي الوان للخط اكثر .. يعني اهم شي الوردي <<--- هذا كنت كاتبته قبل ماشوف الالوان .. بس الى الان مافيه وردي

بي اس :
انا ماطالبت بهالاشياء الا لاني عارفه انها في صالح المنتدى
خصوصا منتدى الترفيه .. عشان نشجع العالم اللي مسجله في المنتدى ولا بعد شاركو يشاركون
بس هذا لا يعني اهمال اقتراحي الثاني والثالث اللي هم مهمين جدا ايضا

بي اس ثانيه :
لحد يجي من المشرفين ويقول الموضوع اقتراحات ويشوته هناك
هذا سواليف مو اقتراحات
يعني لحد ينقله للاقتراحات طيب

---------------------------------------------------------------------

هذا بالنسبه للمنتدى

الحين بسولف عليكم <<--- لاتكفين

كيف الحال ؟؟ <<--- لا والله

تصدقون توني اشوف اجتماعكم اللي لعبتو فيه .. وانا ابحث في المنتدى لقيته



ياحليلكم والله اشكالكم ظريفه خخخخخخ متحمسين بقوووووووه



الرز شكله خطير احمدو ربكم اني ماشفت الصوره بدري والا كان صكيتكم بعين محترمه <<--- ترا امزح والله عيني بارده .. الا مثلجه
مشالله لفتت نظري الاجهزه .. حتى الصغار باور بوك طيب ليه هم بيصممون والا عندهم اشغال مايتحملها الاي بوك والا حاقرينه يعني ..
صح نسيت الالعاب ماتشتغل على الاي بوك .. اسفين معليش

ايييييييييه عااااااااااااد اقوووووووووووووولكم

الا على طاري الاجهزه قبل كم يوم خرف جهازي صار معاد يدخل المواقع .. وديته لابل سنتر وقالي اخونا
ان الجهاز سليم بس البلا من عندكم <<--- هو ماقال كذا بس فيما معناه يعني
يعني الاعدادات صلحيها قلت يعني زين قال زين .. ورحت بيتنا ومازان الجهاز اللي قاهرني انه جربه على النت
عنده واشتغل زي الحلاوه بس عندي انا لا .. المهم عاد انا ضاق صدري والمنتدى مقفل وش اسوي ،،
من جد يعني تحطمت الموهم وروح اشبكه على سلك التلفون دايل اب يعني ويشتغل !!!! انقهرت
طلع لي نخل في راسي .. بس ابشركم زان .. من ربي كذا يوم صحيت الصباح لقيته زاين ..

عاااااااااااااااااااد اقوووووووووووووووولكم

قبل كم يوم كنت بالتحليه (شانزلزيه الرياض) الموهم وانّا في الطريق قالت لي بنت خالتي ان التحليه مكان للعيال ..

بس العيال !! <<--- طيب ليه كذا ؟؟

وان البنات اللي يجون التحليه كلهم داجين وجياين يغازلون !! <<--- طيب لا تعم ياهوه

انا الموضوع هذا قاهرني واللي قاهرني اكثر من كذا انهم يعمّون على البنات كلهم .. لدرجه انه انا والوالده -الله يحفظها - كنا في التحليه مره وفي طريقنا والله المهم قلنا بنروح لانناسي <<--- تراه رهيب لاتفوتونه
عشان ناخذ لنا موكا .. المهم دخلنا في حاره عشان نطلع عليه من الجهه الثانيه وكان في الحاره سيارتين مرور
المهم يوم مرينا ويلحقنا ويوقفنا .. انّا خفنا قلنا ارهاب على طول .. قالنا وين قلنا بنروح ناخذ لنا موكا قال وشذا السيارات اللي وراكم !! انّاانصدمنا !! .. قال الله يخليكم فكونا من شركم وماننبي مشاكل يالله روحو الله يستر عليكم .. انا طبعا ماسكت له تهاوشت انا واياه شوي بس اللي قهرني انه مااحترم الوالده .. يعني طيب لا تحترمني بس احترم الحرمه الكبيره اللي معي .. يعني عيب عليك .. يعني عشاني جيت للتحليه معناتها اني داجه وجايه اغازل
عاد انا والوالده جلسنا ندعي عليه .. ليش يظلمنا .. الوالده جلست منصدمه لمده نص ساعه وانا ربع ساعه وبعدين قمت ادعي عليه واتحسب عليه .. يعني تخيل يالشرطي انك تمشي في السوق بتروح تاخذ لك غرض وفيه بنات قدامك وانت مااهتميت لهم يعني تبي تاخذ غرضك وتطلع ويجيك واحد من الهيئه ويقولك وين يابو الشباب قاعد تلاحق بنات الناس وانت تقول لا والله انا جاي آخذ لي غرض وبطلع ويقولك تستهبل علي ويجرك ويركبك في الجمس وش بيكون شعورك ؟؟ يعني فكر كذا قبل ماتظلم الناس ..من جد قهر

المهم انا طولتها ومسختها .. عاد ابي آرائكم على الموضوع

وتراني تعبت وانا اكتب .. يعني اشكروني وكذا .. ولعاد تسكرون المنتدى تكفون

يالله تشكرات وياويل اللي مايرد موب الحين القى الزوار ١٤٠ والردود ٤ ردوا قولو شكرا على الاقل

اوروفوااااااااااااااااغ <<--- صح كذا ؟؟</div>

[حسين مهدي المرهون]

الله يعطيك العافية
انا تعبت وانا أقرأ الموضوع .....
كيف انت اللي كتبتيه !!!!!!
حتى اني محتار من وين ابدأ وايش أقول ..... <<< دوختيني (:

أنا أتفق معاك في رأيك عن منتدى الوناسه ... <<< عرب على طول متفق وعلى طول يبغى وناسه
وموضوع التحليه ذا والله يقهر
الشباب عاملين التحليه وكانها لاس فيجاس
يعني ما يصير نلقى مكان زين اللى وجوا هالشباب قلبوه منطقة مغازل
حتى اني أحياناً ما أقدر أطلع المدام معاي لأي مكان قبل ما أروح أعاينه بنفسي <<< داشر طلعات

الله يهديهم ...

وموقف هالشرطة يعني ما أقدر أقول شقد بايخ


وشكراً على الموضوع

[Chloe]

<div class='quotetop'></div>

الله يعطيك العافية[/b]

الله يعافيك

<div class='quotetop'></div>

انا تعبت وانا أقرأ الموضوع .....
كيف انت اللي كتبتيه !!!!!!
حتى اني محتار من وين ابدأ وايش أقول ..... <<< دوختيني (:[/b]

وش دعوا اكيد انا اللي كاتبته .. تحطمت حرام عليك

<div class='quotetop'></div>

أنا أتفق معاك في رأيك عن منتدى الوناسه ... <<< عرب على طول متفق وعلى طول يبغى وناسه[/b]

كفو والله .. يالله شد حيلك نبي نقنع الاداره

<div class='quotetop'></div>

وموضوع التحليه ذا والله يقهر
الشباب عاملين التحليه وكانها لاس فيجاس
يعني ما يصير نلقى مكان زين اللى وجوا هالشباب قلبوه منطقة مغازل
حتى اني أحياناً ما أقدر أطلع المدام معاي لأي مكان قبل ما أروح أعاينه بنفسي <<< داشر طلعات

الله يهديهم ...[/b]

آمين يارب

<div class='quotetop'></div>

وموقف هالشرطة يعني ما أقدر أقول شقد بايخ[/b]

معليش وشو اللي بايخ .. مافهمت

<div class='quotetop'></div>

وشكراً على الموضوع[/b]

مشكور اخوي على ردك .. وتحياتي لك .. وآسفه اني تعبتك بالقراءه

[desperado]

انا معك في المنتدى وان شاء الله قريب

بالنسبة للتحلية في قهوة ومطعم تاو حلو ورايق وفيه انترنت واير لس

[Chloe]

دسبرادو .. يالله حي مشرفنا

انا لما تكلمت عن التحليه كنت اتكلم عن النظريه مو الاماكن <<--- اخس يالنظريه

يعني انا كنت اتكلم عن تفكير الناس عن البنت اللي تروح التحليه فهمت علي ..

<div class='quotetop'></div>

بالنسبة للتحلية في قهوة ومطعم تاو حلو ورايق وفيه انترنت واير لس[/b]

ياحليلك تعرفه .. خطير بس اكلهم مو حلو ابدا .. الحلويات والمشروبات والخدمه والجلسات هذا احسن شي <<--- وش بقيتي

مشكور على المرور واتمنى اقرا ردك قريب عن النظريه

تحياتي لك ..

ماشاء الله تبارك الرحمن , من وين هالمواهب تفجرت

يمكن صاحبة الموضوع مقفلة على روحها الدار وما تكلم أحد من زمان

بالنسبة للمنتدى فالمنتدى جاف , ويحتاج شوية بلل خخخ (دعاية حفاظات صارت)

لا أقصد يعني لما أجي وأقارنه بالمنتديات أحس انه ينقصه الكثير , قايل أنا لأبو فيصل بس الله يهداه ما طاوعني

أنا كنت مستعد أعيد بناء المنتدى (أعوذ بالله من كلمة أنا)

لكن لليوم ما رد علي برسالة

وعلى المواقف , كثيير تحصل مثل هالأشياء و ما أعتقد ان أحد يهون عليه ان الناس يفهموه غلط.

أعضاء المنتدى , عرفونا بأنفسكم ياللي في الصور أنا ما أعرف منكم الا يوسف

[Chloe]

اهلين النبراس خلنا نشوف وش عنك من سوالف

<div class='quotetop'></div>

ماشاء الله تبارك الرحمن , من وين هالمواهب تفجرت

يمكن صاحبة الموضوع مقفلة على روحها الدار وما تكلم أحد من زمان [/b]

حرام عليكم وشذا التحطيم .. انا عندي المواهب من زمان بس ماحد اكتشفني <<--- متاثره D:

<div class='quotetop'></div>

بالنسبة للمنتدى فالمنتدى جاف , ويحتاج شوية بلل خخخ (دعاية حفاظات صارت)

لا أقصد يعني لما أجي وأقارنه بالمنتديات أحس انه ينقصه الكثير , قايل أنا لأبو فيصل بس الله يهداه ما طاوعني[/b]

عشان كذا انا اقترحت هالاقتراح ومو جاف بس جاف بقوه والله .. ويحتاج وايت مويه

<div class='quotetop'></div>

أنا كنت مستعد أعيد بناء المنتدى (أعوذ بالله من كلمة أنا)[/b]

هذي كلمتي لو سمحت <<--- اقول اسكتي تكفين

<div class='quotetop'></div>

وعلى المواقف , كثيير تحصل مثل هالأشياء و ما أعتقد ان أحد يهون عليه ان الناس يفهموه غلط. [/b]

مشكور على مراعاتك للموقف

<div class='quotetop'></div>

أعضاء المنتدى , عرفونا بأنفسكم ياللي في الصور أنا ما أعرف منكم الا يوسف[/b]

وانا بعد ماعرفت الا يوسف عشانه حاط صورته ..

الف شكر لك اخوي النبراس على المرور اللطيف .. وتحياتي لك

[desperado]

للاسف انا ماكنت فيه يوم التصوير بس فيه اجتماعات ثانية غير هاذي

يالنبراس ان شاء الله ابوفيصل بيرد عليك اليوم بس انت شد حيلك

[ولدالرياض]

صراحة يوم قريت الموضوع رحت لاعلى الصفحة اتأكد انا باي موقع

ماتوقعت احد في ماك فور اربز يعرف يحط مواضيع تشرح الصدر

والله مواهب





بالنسبة للمنتدى انا اوفقك الرائ من جد الموقع صاير بايخ ما في تنكيت وفله>>>>>>>>>>احلـــــــف


اما الموقف فتحصل كثير










ومشكور الف شكر على الموضوع الي وسع صدري من اكتأب الموقع

[Chloe]

ولد الرياض مشكووووووووووور على ردك ..

احرجتني والله ..

انشالله يفتحون لنا منتدى ونوسع صدورنا فيه ..

مشكور مره ثانيه على ردك

[blackcat]

فعلاً لو هناك منتدى اطراف الحديث ..
لاصبح الدخول للمنتدى بكثرة.. ومجرد الدخول سوف يجعل الناس يشاركون أكثر.
أشد يدي على ايديكم.. انهضوا بهذا المتدى..

[desperado]

تم الاتفاق على ان يكون المجلس العام مفتوح للمشاركات المرحة والوناسة وكل ما لا يتعلق بالماك

[Chloe]

يعني راح يكون المنتدى العام اكثر من منتدى في واحد

منتدى التكنولوجيا ، منتدى المرح ( الوناسه ) ، الحوار العام اللي تتم فيه المناقشات الجاده ولو فيه بنات كثييييير كان قلنا

منتدى البنوتااات .. حركه جديده والله <<--- بتنطرد بعد شوي

لا لا جد والله .. مشكورين وماقصرتو

تحياتي ..

[zizo1]

<div class='quotetop'>(desperado @ 24-02-2006, 07:49) <{POST_SNAPBACK}></div>

تم الاتفاق على ان يكون المجلس العام مفتوح للمشاركات المرحة والوناسة وكل ما لا يتعلق بالماك[/b]

ماك للعرب و مجلس وناسه
اللّه يستر ؟ !

[Chloe]

<<--- للي فوقي