سؤال على قدي ههههه

[nfnf]

السلام عليكم


في البدايه انا شفت المنتدى والحمد لله حسيت اني بستفيد منكم بأذن لله وتوكلنا على الله وقلنا خلنا نسجل مع القروب الرائع بالمنتدى وان شاء الله اكون خفيف ظل عليكم وما اغثكم ولو انكم اخوان


عموما ما ودي اطول عليكم بالكلام ندخل بالزبده

السالفه وما فيها يا جماعه الخير اني قررت ادخل عالم الماك من كثر ما شفت الشماته على الوندوز هههههههه


فا الماك عندي له كم سؤال نحتاج تجاوبوني عليه


الاول وهو ان صاحبكم ثقافته يوناني لا يعرف باللغه الانقليزيه الا طلب من المطاعم وبس هههههه

يعني الانقليزي سيء جدا وهذا شي مخوفني لان الماك كله انقلش اوف انقلش

((بس ما عليكم خويكم مخربها ومعزم بيدخل بيدخل بذا الماك مافيها رجعه))

وثاني سؤال وهو الاهم يوم جيت استشير احد معارفي بأي جهاز اشتري قالي انتظر موب الحين تشتري لان حسب كلامه يقول ان بتنزل اصدارات جديده ومدري كيف فا كم بقا على هذي الاجهزه الجديده لاني اذا دخلت الماك ابي شي جديد وبغض النظر عن كم قيمته ووش الجهاز الي يصلح لي كمبتدأ

اتمنى اني اكون ما كثرت عليكم بسواليفي بس فعلا انا حيران بهالسالفه وانتم بحكم خبرتكم ثقتي قويه بلقا جوابي عند واحد فيكم


ولكم تحياتي وشكرا

اخوكم / نايف

[albarq]

هلا بك..

يالنسبة للغة فهو بس يكتب عربي لكن القوائم لا ..

بالنسبة تشري اللحين ولا تنظر...يعتمد

غدا قد نسمع اخبار حلوة بالمؤتمر الخاص بآبل
لكن اقولك اذا بتشريه من السعودية بكيبورد عربي فإنتظارك راح يطول اشوي...
لكن اذا بتشريه من برا بكيبورد انجليزي فقط فننتظر لبكره و نشوف..

تحياتي..

[nfnf]

بيض الله وجهك يالغالي على جوابك الرائع


لكن هل الماك معقد ولا طقطق فيه وبتعرف له مثله مثل غيره

وهل في شي جديد بيصير قريب بخصوص الاجهزه ؟

[desperado]

٩٠٪ من الي اعرفهم صار محترف ماك في اسبوعين

[nfnf]

محترف ماك في اسبوعين يالله شورتك وهدايه الله بشتري بس وين انسب محل بالرياض من ناحيه الجهاز والسعر بشكل عام

[albarq]

بالتوفيق يا رب..

[desperado]

جرب اي تكيا واطلب خصم اعضاء ماك للعرب وقبل تشتري روح اي ستايل واسئل عن السعر مع خصم الطلبه وشوف الارخص وتوكل على الله

[maxen]

welcome to the club مقدماً..
شكلك متحمس بس متردد، لا تصير مثل اللي يبي يتعلم السباحة من خلال دروس الفيديو.. قل بها اليوم

[badermac]

الف مبروك مقدماً