اسئله

[خوخه]

1-هل اقدر استخدم الميموري ستك و الاكسترنل مع الماك لاني سمعت ما ينفع ؟
2-هل مثلا اذا بشبك الماوس العادي في الماك بس بنظام الوندوز فيه سالفه؟ والا عادي؟اقصد الماوس العادي حق الوندوز
ا3-ذا عندي فايلز و ودي انقلهم للماك كيف؟ يعني اشتغلت عليهم في الوندوز اللي موجود في الماك و بنقله في الماك سهل ؟ مو لازم تشرحون لي لان ما عندي الحين بس اسأل اقدر والا لا؟
4-طيب الفوتوشوب حق الماك هو نفسه حق الوندوز اقصد طريقه السوفت وير ؟مو النسخه يعني مو متغير شكله؟
5-اذا بنزل الوندوز مع الماك كم احتاج تتوقعون يعني كم اقسمه اذا بيكون فيه ثري دي ماكس و اوتوكاد

بقولكم شي ... اخوي متحديني اني ما اقدر استخدمه ان شريته و يقولي ما تعرفين له و لا تووهقين نفسك حسيت انه هو مو عارف يستخدمه لووول و يخاف اورطه
عشان كذا بتشوفون لي مواضيع واجد تحملوني

[Rabeh]

1-هل اقدر استخدم الميموري ستك و الاكسترنل مع الماك لاني سمعت ما ينفع ؟[/b]

ينفع

2-هل مثلا اذا بشبك الماوس العادي في الماك بس بنظام الوندوز فيه سالفه؟ والا عادي؟اقصد الماوس العادي حق الوندوز[/b]

عادي جداً بس في تغير بسييييييييط

ا3-ذا عندي فايلز و ودي انقلهم للماك كيف؟ يعني اشتغلت عليهم في الوندوز اللي موجود في الماك و بنقله في الماك سهل ؟ مو لازم تشرحون لي لان ما عندي الحين بس اسأل اقدر والا لا؟[/b]

في اكثر من طريقة للنقل بينهم وتختلف السرعات بس بالمنتدى موجود طرق نقل البيانات من بي سي للماك

4-طيب الفوتوشوب حق الماك هو نفسه حق الوندوز اقصد طريقه السوفت وير ؟مو النسخه يعني مو متغير شكله؟[/b]

ولا مرة استخدمته ولكن اعتقد في تغير بسيط

5-اذا بنزل الوندوز مع الماك كم احتاج تتوقعون يعني كم اقسمه اذا بيكون فيه ثري دي ماكس و اوتوكاد[/b]

هذا السؤال اتركه لخبراء البرامج الي ذكرتيها ... ولكن مسألة التقسيم ستكون في برنامج البوت كامب .. ولكن في البارالليلس سيكون هناك اخيار لإعطاء الويندوز مساحة 10 GB مثلاً واذا اتعديتي المساحة يبدا
ياخذ من مساحة الماك فهمتي كيف ؟؟

بقولكم شي ... اخوي متحديني اني ما اقدر استخدمه ان شريته و يقولي ما تعرفين له و لا تووهقين نفسك حسيت انه هو مو عارف يستخدمه لووول و يخاف اورطه
عشان كذا بتشوفون لي مواضيع واجد تحملوني[/b]

الله يوفقك ان شالله ولكن الماك يبغاله صبر شوي خاصة ان بني ادم طبعه التعود واحنا تعودنا ع الويندوز فصعب نغييره لذلك يبغالك صبر شوي وتحمل لما يدخل الماك قلبك

[delpiero]

1-هل اقدر استخدم الميموري ستك و الاكسترنل مع الماك لاني سمعت ما ينفع ؟

ينفع وزيدك حاجه بعد انسي شي اسمه دايرفرات يعني اذا خذيتي مثلاً طابعه او سكنر ما راح تحتاجي حق شي اسمه درايفر


2-هل مثلا اذا بشبك الماوس العادي في الماك بس بنظام الوندوز فيه سالفه؟ والا عادي؟اقصد الماوس العادي حق الوندوز
ا3-ذا عندي فايلز و ودي انقلهم للماك كيف؟ يعني اشتغلت عليهم في الوندوز اللي موجود في الماك و بنقله في الماك سهل ؟ مو لازم تشرحون لي لان ما عندي الحين بس اسأل اقدر والا لا؟

تقدرين
4-طيب الفوتوشوب حق الماك هو نفسه حق الوندوز اقصد طريقه السوفت وير ؟مو النسخه يعني مو متغير شكله؟

لا ما في تغير نفس الاسلوب والطريقه وفي الماك يشتغل افضل من الوندوز واسرع بمراحل

5-اذا بنزل الوندوز مع الماك كم احتاج تتوقعون يعني كم اقسمه اذا بيكون فيه ثري دي ماكس و اوتوكاد

يعتمد اذا كنتي راح تستعمل اشياء اخره غير البرامج المذكوره


وحاب اقولج شي الماك اسهل من الوندوز بمراحل

اول يومين فقط راح تواجهي صعوبه بسيطه لكن بعدها راح تعرفي انه النضام سهل

لكن لو شخص بدء عمله بالماك ولم يشاهد الوندوز راح يلاقي صعوبه كبيره في استخدام الوندوز

بس حابب اقولج حاجه انو اليوم راح يتم عرض مواصفات النضام الجديد ولم تنزل شوفيها وبعدها احكمي على منتجات ابل

سلام

[خوخه]

شكرا لكم .... ما شا الله الردود سريعه ووافيه ...يعطيكم العافيه

[Mshary]

ليش متردده و خايفه

الماك هو خيار المصممين و المحترفين

كل شي اسهل مما تتصورين

اي ماوس usb راح يشتغل على الماك عادي جدا

نقل الملفات بين الماك و الويندوز مثل نقل الملفات من القرص c الى القرص d في اي جهاز بي سي

و اذا تشتغلين علي برالليز تقدين تنقلين الملفات بالسحب و الافلات

و مساحه الويندوز الخيار يرجع لك عندك من ١٠ جيجا الى ما شاء الله اختاري كم تبغين

و بالنسبه لاخوك .. انا متاكد لما تشترين الماك راح يشتري واحد بعدك