Grapher للرسم البياني المجاني..

[albarq]

السلام عليكم و رحمة الله و بركاته..

والله امس رجعت من الجامعة و حصص رياضيات و ارسم و لا ترسم..

و انا زي العادة اذا ضاق خلقي اقعد على الماك و انبش (احوس، ادور، اقلب راسي..) فيه...


طبعا التنبيش طلع بجدوة زي العادة..

لقيت هالبرنامج اللي لو قالولك بفلوس.. قلت وش قيمة الفلوس قدامه...

فما بالك بانه يكون مجاني...

والله اني اكتب وانا مبسوط لاني احتاجه مرة..

اسم البرنامج Grapgher
ومميزاته انه يقوم برسم الرسوم الرياضية مثل س تربيع و جا و جتا و لو ومن على شاكلتهم..

طبعا اذا انت طالب و لا جامعي ولا مدرس رياضيات هذا عز حاجتك له..

ترى البرنامج مثبت بالجهاز للماكيين فقط مجاني..

غير الماكيين روحو اشروا لكم واحد..

هو البرنامج مختفي عن الانظار..عشان كذا من أول..

Applications>>Utilities>>Grapher

يالله اخليكم الحين مع كم صورة و مع السلامة..



تحياتي..

[desperado]

شكل البرنامج جميل مع انه ما احتاجه لاكن مشكور

[الكاريزمية]

بصراحه عمله مذهل ..
الف شكر على طرح الوصول اليه
و اظن اني راح احتاجه بشكل بسيط بس ان شاء الله ماننساه بعد الاجازه

[albarq]

طبعا انا قعدت اكمل تنبيش..

وكل شوي انبسط اكثر.. لانه مثل هذا البرنامج يقدر سعره ب اكثر من ٨٠ دولار على الاقل الي هو سعر آلة حاسبة علمية تدعم الرسم..


احب ازيدكم من الشعر بيت البرنامج يدعم الرسم الثلاثي الابعاد..

حتى لو ما تحب الرياضيات ادخله وانت تنبسط.. الاشياء اللي كنت تحاول انك تتخيله و كنت تحتار كيف شكله يكون..اللحين تقدر تشوفه وتحاكيها..



اتمنى انكم تقدرون هذا البرنامج وتستفيدون منه..


تحياتي..

[badermac]

الله يعطيك العافية